ತನ್ನ ಸ್ನಿಗ್ಧ ಸೌಂದರ್ಯದಿಂದ ಮಾತ್ರವಲ್ಲ; ನಟನೆಯ ಕಸುವಿಂದಲೂ ಪ್ರೇಕ್ಷಕರನ್ನು ಆವರಿಸಿಕೊಂಡಿರುವ ನಟಿ ತಮನ್ನಾ. ಒಂದು ಕಾಲದಲ್ಲಿ ಬೆಳುದಿಂಗಳಂತೆ ಇನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟಿದ್ದ, ಈ ಹುಡುಗಿಯ ಪ್ರಭಾವಳಿ ಅಗ್ನಿಯಂತೆ ನಿಗಿನಿಗಿಸಿತ್ತು. ಈಕೆ ನಿಂತರೂಕುಂತರೂ ಸುದ್ದಿ. ರಾಜ್ಯಗಳ ಗಡಿ ದಾಟಿ ಹಬ್ಬಿಕೊಂಡಿದ್ದ ಕ್ರೇಜು. ಒಟ್ಟಾರೆಯಾಗಿ ತಮನ್ನಾ ಏಕಾಏಕಿ ಸಾರ್ವಕಾಲಿಕ ಕ್ರಶ್ ಎಂಬಂತಾಗಿದ್ದು ಸುಳ್ಳಲ್ಲ!
ಇಂಥಾ ತಮನ್ನಾ ಕೂಡಾ ಒಂದಷ್ಟು ಕಲದ ನಂತರ ಮಂಕಾಗಿ ಬಿಟ್ಟಿದ್ದಳು. ಅವಕಾಶಗಳೆಲ್ಲವೂ ಕಡಿಮೆಯಾಗಿ ಬಿಟ್ಟಿತ್ತು. ಒಂದು ಹಂತದಲ್ಲಿ ಈಕೆಯನು ನಾಯಕಿಯನ್ನಾಗಿಸಿ ಸಿನಿಮಾ ಮಾಡಬೇಕೆಂಬುದು ಬಹುತೇಕರ ಕನಸಾಗಿತ್ತು. ಅಂಥಾ ತಮನ್ನಾ ಅವಕಾಶಗಳಿಲ್ಲದೆ ಸೊರಿದ್ದರ ಹಿಂದೆ ನಾನಾ ಸೂಕ್ಷ್ಮಗಳಿವೆ. ಅದನ್ನು ಕೆದಕಲು ನಿಂತರೆ ಸಿನಿಮಾ ಜಗತ್ತಿನ ಅನೇಕರು ಬೆತ್ತಲಾಗುತ್ತಾರೆ.
ಅಂತೂ ಕಡೆಗೂ ಜೈಲರ್ ಚಿತ್ರದ ಕಾವಾಲಯ್ಯ ಸಾಂಗಿನ ಮೂಲಕ ತಮನ್ನಾ ಮತ್ತೆ ಪ್ರಜ್ವಲಿಸಿದ್ದಾಳೆ. ಸ್ತ್ರೀ2 ಐಟಂ ಸಾಂಗ್ ಕೂಡಾ ಸೂಪರ್ ಹಿಟ್ಟಾಗಿದೆ. ಅಷ್ಟರ ಮಟ್ಟಿಗೆ ತಮನ್ನಾಭಿಮಾನಿಗಳ ಆತ್ಮ ಸಂತೃಪ್ತವಾಗಿದೆ. ಒಂದು ಮೂಲದಪ್ರಕಾರ, ಮತ್ತೆ ದೇಶವ್ಯಾಪಿ ತಮನ್ನಾ ಮೇನಿಯಾ ಹಬ್ಬಿಕೊಂಡು, ಅವಕಾಶಗಳು ಅರಸಿ ಬರುತ್ತಿವೆ. ಈಗಿರುವ ಅವಕಾಶಗಳನ್ನೆಲ್ಲ ಒಪ್ಪಿಕೊಂಡರೆ, ಮುಂದಿನ ಐದು ವರ್ಷಗಳ ಕಾಲ ತಮನ್ನಾ ಅಭಿಮಾನಿಗಳಿಗೆ ಸುಗ್ಗಿಯಾಗಲಿದೆ. ಅದೆಲ್ಲವೂ ತಮನ್ನಾಳ ಮೂಡಿನ ಮೇಲೆ ನಿರ್ಧಾರವಾಗಲಿದೆ!