ಪ್ರತಿಭೆ, ರೂಪ ಲಾವಣ್ಯಗಳಿದ್ದರೂ ಕೂಡಾ ಕೆಲ ನಟಿಯರ ವೃತ್ತಿ ಬದುಕಿಗೆ ಏಕಾಏಕಿ ಮಂಕು ಕವಿದು ಬಿಡುತ್ತೆ. ಅಂಥಾದ್ದೊಂದು ಅನಿರೀಕ್ಷಿತ ಆಘಾತದಿಂದ ಒಂದಷ್ಟು ವರ್ಷಗಳ ಕಾಲ ಕಂಗೆಟ್ಟಿದ್ದಾಕೆ (actress tamannah bhatia) ತಮನ್ನಾ ಭಾಟಿಯಾ. ಬರೀ ಮೇಕಪ್ಪು ಮಾಡಿಕೊಂಡು ನುಲಿಯುತ್ತಾ, ಗ್ಲಾಮರ್ ಒಂದೇ ನಟಿಯಾಗಲಿರೋ ಅರ್ಹತೆ ಅಂದುಕೊಂಡವರು ಅನೇಕರಿದ್ದಾರೆ. ಅಂಥವರ ನಡುವೆ (tamannah) ತಮನ್ನಾ ಭಾಟಿಯಾ ನಿಜಕ್ಕೂ ಭಿನ್ನವಾಗಿ ಕಾಣುತ್ತಾಳೆ. ಯಾಕೆಂದರೆ, ಆಕೆ ನಟನೆ, ನೃತ್ಯ ಸೇರಿದಂತೆ ಯಾವುದಕ್ಕೂ ಹಿಂದೇಟು ಹಾಕದ ಹುಡುಗಿ. ಇದೀಗ ತಮನ್ನಾಳ ವೃತ್ತಿ ಬದುಕಿಗೆ ಕವುಚಿಕೊಂಡಿದ್ದ ಕಾವಳ ಸರಿದಿದೆ. ಇದೇ ಖುಷಿಯಲ್ಲಾಕೆ ಓಟಿಟಿಯನ್ನು ಕೇಂದ್ರವಾಗಿಟ್ಟುಕೊಂಡು (web series) ವೆಬ್ ಸೀರೀಸ್ ಗಳತ್ತ ಪ್ರಧಾನವಾಗಿ ಗಮನಹರಿಸಿದ್ದಾಳೆ!
ಜೈಲರ್ ಚಿತ್ರದ (kavalayya) ಕಾವಾಲಯ್ಯ ಹಾಡಿನ ಮೂಲಕ ತಮನ್ನಾಗೆ ಸಿಕ್ಕ ಖ್ಯಾತಿಗೆ ಸಾಟಿಯಿಲ್ಲ. ಅದರ ಪ್ರಭೆಯಲ್ಲಿ ಆಕೆ ಬೇರೆ ಬೇರೆ ಸಿನಿಮಾಗಳಲ್ಲಿ ಬ್ಯುಸಿಯಾಗಿ ಬಿಡುತ್ತಾಳೆಂದೇ ಬಹುತೇಕರು ಅಂದುಕೊಂಡಿದ್ದರು. ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದರೂ ಕೂಡಾ ತಮನ್ನಾಳ ಪ್ರಧಾನ ಆದ್ಯತೆ ವೆಬ್ ಸೀರೀಸ್ ಗಳತ್ತ ಹೊರಳಿಕೊಂಡಿದೆ. ವೆಬ್ ಸರಣಿ ಗೆಲುವಿನ ರುಚಿಯನ್ನು ತಮನ್ನಾಗೆ ಮೊದಲು ಪರಿಚಯಿಸಿದ್ದದ್ದು ತೆಲುಗಿನಲ್ಲಿ ಮೂಡಿ ಬಂದಿದ್ದ (master chef) `ಮಾಸ್ಟರ್ ಚೆಫ್’ ಎಂಬ ವೆಬ್ ಸೀರೀಸ್. ಅದು ದೊಡ್ಡ ಮನನಟ್ಟದಲ್ಲಿ ಗೆಲುವು ಕಾಣುತ್ತಲೇ, ಆ ಬಗೆಯ ಅವಕಾಶಗಳು ತಮನ್ನಾಳನ್ನು ಅರಸಿಕೊಂಡು ಬರಲಾರಂಭಿಸಿದ್ದವು.
ಹಾಗೆ ನೋಡಿದರೆ, ಯಾವುದೇ ಪ್ರಕಾರದ ಸಿನಿಮಾಗಾದರೂ, ಪಾತ್ರಕ್ಕಾದರೂ ಹೊಂದಿಕೊಳ್ಳುವ ತಮನ್ನಾ ಆ ಬಳಿಕ ಮತ್ತೊಂದಷ್ಟು ವೆಬ್ ಸೀರೀಸ್ ಮೂಲಕ ಸದ್ದು ಮಾಡಿದ್ದಳು. ಲಸ್ಟ್ ಸ್ಟೋರಿ ಎಂಬ ವೆಬ್ ಸೀರೀಸ್ ಅಂತೂ ತಮನ್ನಾಗೆ ವಿಶ್ವಮಟ್ಟದಲ್ಲಿ ಖ್ಯಾತಿ ತಂದುಕೊಟ್ಟಿತ್ತು. ಅದರ ಬೆರನ್ನಲ್ಲಿಯೇ ಜೈಲರ್ ಚಿತ್ರದ ಕಾಲಾವಯ್ಯಾ ಸಾಂಗಿನ ಕಿಕ್ಕೇರಿತಲ್ಲಾ? ಆ ಬಳಿಕ ರಾಶಿ ರಾಶಿ ವೆಬ್ ಸೀರೀಸ್ ಅವಕಾಶಗಳ ದಂಡು ನೆರೆಯಲಾರಂಭಿಸಿದೆ. ಅದೆಲ್ಲವನ್ನೂ ಅಳೆದೂ ತೂಗಿ ಕಡೆಗೂ ತಮನ್ನಾ ಒಂದೇ ಏಟಿಗೆ ಮೂರು ವೆಬ್ ಸೀರೀಸ್ ಗೆ ಸಹಿ ಹಾಕಿದ್ದಾಳಂತೆ.
ಇಂಥಾ ವೆಬ್ ಸರಣಿಗಳ ವಿಚಾರದಲ್ಲಿಯೂ ತಮನ್ನಾ ವೈವಿಧ್ಯತೆ ಕಾಪಾಡಿಕೊಳ್ಳುತ್ತಿರೋದು ವಿಶೇಷ. ಪ್ರತೀ ವೆಬ್ ಸೀರೀಸ್ ಸಹ ಭಿನ್ನವಾಗಿರಬೇಕೆಂಬ ಇರಾದೆಯಿಂದ ಈಕೆ ಒಂದು ಹಾಸ್ಯಪ್ರಧಾನ ವೆಬ್ ಸೀರೀಸ್ ಅನ್ನೂ ಒಪ್ಪಿಕೊಂಡಿದ್ದಾಳೆ. ಅದು ಧರ್ಮ ಪ್ರೊಡಕ್ಷನ್ಸ್ ಬ್ಯಾನರಿನಡಿಯಲ್ಲಿ ನಿರ್ಮಾಣಗೊಳ್ಳಲಿದೆ. ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಗೊಳ್ಳಲಿದೆ. ಡಾಕ್ಟರ್ ಅರೋರಾ, ತೋಡಾ ಅಡ್ಜಸ್ಟ್ ಪ್ಲೀಸ್ ನಂಥಾ ವೆಬ್ ಸರಣಿಗಳನ್ನು ನಿರ್ದೇಶನ ಮಾಡಿದ್ದ ಅರ್ಚಿತ್ ಕುಮಾರ್ ತಮನ್ನಾ ನಟನೆಯ ವೆಬ್ ಸೀರೀಸ್ ನ ಸಾರಥ್ಯ ವಹಿಸಿಕೊಂಡಿದ್ದಾರೆ. ಈ ಕಾರಣದಿಂದಲೇ ಸದರಿ ಪ್ರಾಜೆಕ್ಟ್ ನಿರೀಕ್ಷೆ ಹುಟ್ಟು ಹಾಕಿದೆ. ಹಾಗಾದರೆ, ತಮನ್ನಾ ಸಂಪೂರ್ಣವಾಗಿ ವೆಬ್ ಸೀರೀಸ್‍ಗೆ ಅಡಿಕ್ಟ್ ಆದಳಾ ಅನ್ನಿಸೋದು ಸಹಜ. ಆದರೆ, ಇದೇ ಹೊತ್ತಿನಲ್ಲಿ ಆಕೆ ಜಾನ್ ಅಬ್ರಹಾಂ ಜೊತೆಗೊಂದು ಸಿನಿಮಾ ಹಾಗೂ ತಮಿಳು ಚಿತ್ರವೊಂದನ್ನು ಒಪ್ಪಿಕೊಂಡ ಸುದ್ದಿಯಿದೆ!