ಆಕೆ ನಿಂತರೂ, ಕುಂತರೂ, ಫ್ಲೋನಲ್ಲೊಂದು ಸನ್ನೆ ಮಾಡಿದರೂ ಅದು ವಿವಾದವಾಗಿ (controversy) ಬಿಡುತ್ತದೆ. ಅದರ ಭೂಮಿಕೆಯಲ್ಲಿ ಸಾಮಾಜಿಕ ಜಾಲತಾಣಗಳ ತುಂಬಾ, ಥರ ಥರದ ಕಂಟೆಂಟುಗಳು ಹೊಳೆಯಾಗಿ ಹರಿಯುತ್ತವೆ. ತನ್ನ ವಿರುದ್ಧ ನಡೆಯುತ್ತಿರೋ ಇಂಥಾ ಪ್ರಹಾರಗಳನ್ನು ಕಂಡು ಖೇದಗೊಂಡಿರೋ (rashmika mandanna) ರಶ್ಮಿಕಾ, ಇದೀಗ ತನ್ನ ಕೆರಿಯರ್‍ನತ್ತ ಗಂಭೀರವಾಗಿ ದೃಷ್ಟಿನೆಟ್ಟು ಮುಂದುವರೆಯುತ್ತಿದ್ದಾಳೆ. ಇದೀಗ ರಶ್ಮಿಕಾ (rashmika mandanna) ಬಗೆಗಿನ ಅಚ್ಚರಿದಾಯಕ ವಿಚಾರವೊಂದು ಜಾಹೀರಾಗಿದೆ!
ರಶ್ಮಿಕಾ ಮಂದಣ್ಣ (rashmika mandanna) ಇದೀಗ ದಕ್ಷಿಣ ಭಾರತೀಯ ಚಿತ್ರರಂಗದ ಬಹುಬೇಡಿಕೆಯ ನಟಿ. ಆಕೆಯ ವಿರುದ್ಧ ಅದೆಂಥಾದ್ದೇ ಅಪಪ್ರಚಾರಗಳು ನಡೆದರೂ ಬೇಡಿಕೆ ಮಾತ್ರ ತುಸುವೂ ಕುಂದಿಲ್ಲ. ಒಂದರ ಹಿಂದೊಂದರಂತೆ ಸ್ಟಾರ್ ನಟರ ಚಿತ್ರಗಳಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾಳೆ. ಹೀಗೆ ಯಶದ ಉತ್ತುಂಗದಲ್ಲಿರುವಾಗಲೇ ರಶ್ಮಿಕಾ ಐಟಂ ಸಾಂಗಿನಲ್ಲಿ ಕುಣಿಯಲು ಒಪ್ಪಿಗೆ ಸೂಚಿಸಿದ್ದಾಳೆ.
ಸಾಮಾನ್ಯವಾಗಿ ಬೇಡಿಕೆ ತಗ್ಗಿದ ತರುವಾಯ ನಟಿಯರು ಐಟಂ ಸಾಂಗುಗಳತ್ತ ವಾಲಿಕೊಳ್ಳೋದಿದೆ. ಆದರೆ ರಶ್ಮಿಕಾ ಬಹುಬೇಡಿಕೆಯ ನಟಿಯಾಗಿರುವಾಗಲೇ ಅಂಥಾ ಹಾಡಿನಲ್ಲಿ ಕುಣಿಯಲು ಮುಂದಾಗೋ ಮೂಲಕ ಅಚ್ಚರಿ ಮೂಡಿಸಿದ್ದಾಳೆ. ಅಂದಹಾಗೆ, ರಶ್ಮಿಕಾ ಮಹೇಶ್ ಬಾಬು ಜೊತೆ ಸಿನಿಮಾವೊಂದರಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾಳೆ. ಅದೇ ಸಿನಿಮಾದ ಹಾಡೊಂದರ ಐಟಂ ಸಾಂಗಿಗೂ ಹೆಜ್ಜೆ ಹಾಕಲು ಒಪ್ಪಿಕೊಂಡಿದ್ದಾಳೆ. ಅದಕ್ಕಾಗಿ ದೊಡ್ಡ ಮೊತ್ತವನ್ನೂ ತನ್ನದಾಗಿಸಿಕೊಳ್ಳಲಿದ್ದಾಳಂತೆ!